પડઘો..

24 Jul 2010 13 Comments

by laaganee in Uncategorized

કહે છે કે મૌન પણ પડઘાય છે ક્યારેક, કોક મોડ પર,

ને વેડફાય છે શબ્દો લગભગ સમજણ વિનાના છોર પર!!

નથી તાકાત મૌન સરીખી, અહીંયા સૌની પાસે ,

ભસે શ્વાન, તોય ગજરાજ મદમસ્ત મલપતો ચાલે,

છે યકિન જેમને ખુદપર, એને નથી ઝુકાવતા શબ્દો,

નિશ્ચય અટલ હો ચાલવાનો, એને નથી રોકતો રસ્તો,

સફળ છે જીવન સમજો ખુદને, ભલે દુનિયા નવ સમજે,

ફેલાશે સુગંધ આપોઆપ, જો ફુલ ઉપવનમાં ખીલશે..

મળે જો પડઘો મૌન નો ક્યારેક,કદીક,કોક મોડ પર,

રોકી લેજો ત્યાં કદમો ,વસાવજો જીવન તે છોર પર….

                                   મૌસમી મકવાણા – ‘સખી ‘