પ્રથમ વરસાદ – નવપરણિત યુગલ

                            

                                  લહેરખી આ ભીની હવાની , લાવે સૌના દિલ પર જવાની….

                                  મોસમ છે સાથે રહેવાની , મન ભરી એને માણવાની ………..

હા, વર્ષા ….ઋતુઓની રાણી……..વરસતી સરવાણી…….

             અંત તરસની………તૃપ્તિની ઉજાણી ……….

વરસાદના શબ્દમાં જ ‘સાદ’ છે. ભીની-ભીની આ ઋતુ નાના –મોટા સૌના હૈયાને સાદ દે છે. કુદરતનો સાદ , પ્રેમનો સાદ..

                             કાળઝાળ ગરમી વેરતા ઉનાળા પછી ત્રસ્ત ધરા અને સૃષ્ટિ પર જ્યારે વર્ષાની બુંદ પડે છે અને એના અભિવાદનમાં ધરતીમાંથી જે સોડમ ઉઠે છે એની તો વાત જ ન્યારી છે….!!!એ સોડમ સૃષ્ટિના રોમ-રોમ ને મહેકાવી દે છે પછી માનવ પણ ક્યા બાકાત રહે?! એ સોડમ માંથી ઉઠે છે પ્રેમની તડપ..ને એમાંય જો નવપરણિત યુગલનો પ્રથમ વરસાદ હોય તો એની તીવ્રતા અને માદકતા ઓર વધી જાય છે!!

                             નવપરણિત યુગલને દરેક પહેલી ઋતુ આગવી રીતે સ્પર્શે છે . એમાંય જ્યારે આકાશમાં કળા વાદળ બંધાય, પવનમાં ભેજ લહેરાય, મોરલા ટેંહુક….ટેંહુક કરી સાદ દેતા હોય, વીજળીના ચમકારા અવનીને વર્ષાનો વાયદો દેતા હોય ને યુવાન હૈયાની ઈચ્છાને પ્રજ્વલિત કરતા હોય અને જે વાતાવરણ રચાય તે પ્રેમ માટે આદર્શ જ કહેવાયને….! દરેક નવપરણિત યુગલના હૈયામાં મેઘધનુષ રચાય છે ને આ હૈયે ઉગતા મેઘધનુષી રંગો વિહવળ કરી મુકે છે મિલન કાજે…પહેલા વરસાદની જેમ વહી જવું છે , છલકાઈ જવું છે , વરસી જવું છે પ્રેમમાં ..ને રેલમછેલ કરી દેવું છે સમગ્ર અસ્તિત્વ ધરતીની જેમ!!!

                                         હેલી થઇ વરસાદની , વરસી જઈએ આ પળમાં….

                                         ચાલ, કાગળની હોડી થઇ વહી જઈએ આ જળમાં…

                               આ માદક મોસમમાં નવપરણિત પ્રિયા કાગડોળે પોતાના પીયુની રાહ જોતી હોય , અંતરમાં ઈચ્છાઓના વાદળ બંધાતા હોય અને પીયુ પણ ઉતાવળા પગલે દુનિયાના છેડેથી પોતાની પ્રિયા પાસે પહોંચવા અધીરો હોય, પળનો વિરહ પણ એટલો આકરો હોય કે જાણે હૈયું પોકારતું હોય :

                                               વરસાદી વાયરે લાગી અગન ને વરસી રહ્યા છે ફોરા,

                                                છોડી સઘળા રીત – રીવાજો હવે તો આવો ઓરા…..

જુવાન હૈયા આ ઋતુમાં દુર રહી જ ન શકે એવો કરિશ્મા છે આ ઋતુમાં…!!

                            જાણીતા સંત તુલસીદાસનો કિસ્સો તો યાદ હશે જ, કે પિયર ગયેલી પત્નીને મળવા અધીરા તુલસીદાસ વરસતા વરસાદમાં, છાતી સમાણા પાણીમાં નદી પાર કરી, લટકતા સાપને દોરડું સમજી ચડે છે!!! વળી , કવિ કાલિદાસ રચિત ‘મેઘદૂત’માં શાપિત યુગલ યક્ષ-યક્ષિણી વિરહ કાળમાં હોય છે ત્યારે એકાંતવાસના આઠ માસ વિતાવ્યા પછી શાપિત યક્ષ વર્ષાઋતુ આવતા જ મિલનની તડપમાં વિહવળ બને છે અને વરસાદી કાળા વાદળ સાથે પોતાની પ્રિયતમાને સંદેશો મોકલે છે..અદભુત છે એ વર્ણન …!

                            લગ્ન થઇ ગયા હોય અને આણું બાકી હોય એવી નવયૌવના માટે આ મોસમમાં પતિ-પિયુ વગરની પળ પણ દોહ્યલી બની જાય છે , જાણે કહેતી હોય :

                                         ઝરમર વરસતી વાદળી સંગે અંગે અગન ફેલાય,

                                         બની તરબોળ પ્રેમ માણવા મન મારું લલચાય….

                                         છબ-છબ કરતા તન ભીંજાતા યાદોમાં ખોવાણા…,

                                         પ્રકૃતિ પણ મારે ટોણા , પિયુ કરવો આણા…….!!

                           વરસાદ એ પ્યાસના અંત અને મિલનની તૃપ્તિનો અહેસાસ છે . એટલે જ વરસાદ પછી વાતાવરણમાં બધે જ તૃપ્તિનો અનુભવ થાય છે. પ્રેમ અને વરસાદ એકબીજાનો પર્યાય છે. અંતે તો બંને વરસે છે ને એય વળી અનરાધાર ….વરસાદમાં ભીંજાતું યુગલ તરબોળ બની જાણે કુદરતમાં એકરૂપ થઈ જાય છે.

                           એમાંય પહેલો વરસાદ ને નવપરણિત યુગલની તો વાત જ ન્યારી છે. નવપરણિત યુગલને પ્રથમ વરસાદ વધુ નજીક આવવાની , તેમના પરિણયમાં પ્રણય ભરવાની ઉમદા તક પ્રદાન કરે છે.

છેલ્લે જાણે નવોઢા એના પતિને કહેતી હોય એવી મીઠી વાત સમી કવિ શ્રી ભાસ્કર વ્હોરાની પંક્તિ ,

            વ્હાલમજી ! હું તો થોડી ભીની ને ઝાઝી કોરી !

                    હવે વરસો તો મેઘ થઇ એવું વરસો,

                                        કે જાણે ધરતીની જેમ રહું મ્હોરી ! 

                                                          મૌસમી મકવાણા – ‘સખી’           

      

  

    

  

    

Advertisements

11 ટિપ્પણીઓ (+add yours?)

  1. Suresh Lalan
    જૂન 28, 2010 @ 20:46:05

    હેલી થઇ વરસાદની , વરસી જઈએ આ પળમાં….

    ચાલ, કાગળની હોડી થઇ વહી જઈએ આ જળમાં…

    Very nice.

    જવાબ આપો

    • laaganee
      જૂન 29, 2010 @ 09:10:15

      મારા બ્લોગની મુલાકાત અને પ્રોત્સાહન બદલ આભાર…..
      આ લેખ એક સામાયિક ‘શંખનાદ ‘ માટે લખેલ છે. આપણી જાણ માટે ..
      આમ જ અવાર-નવાર મુલાકાત લેતા રહેશો…..

      જવાબ આપો

  2. ડૉ. ભરત મકવાણા ‘મિત્ર’
    જૂન 29, 2010 @ 14:34:24

    વરસાદી ઋતુ નું તાદ્સ્ય નિરૂપણ!
    સુંદર ફોટોગ્રાફી.
    સુંદર બ્લોગ તથા લખાણ!

    જવાબ આપો

  3. Jagadish Christian
    જૂન 30, 2010 @ 06:33:33

    તમારો નિબંધ એક પ્રવાહની જેમ ખળખળ વહીને આહ્લાદક રોમાંચ ઊભો કરી ગયો. ભૂતકાળને વાગોળી લીધો. આનંદ થયો.

    જવાબ આપો

    • laaganee
      જૂન 30, 2010 @ 08:53:10

      નિબંધ એ મારી સામાન્ય અભિવ્યક્તિ નથી. તે છતા આપના પ્રોત્સાહનથી લાગે છે કે કૈક સફળ રહી છું લાગણી વ્યક્ત કરવામાં …..
      આભાર ….

      જવાબ આપો

  4. રાજની
    જૂન 30, 2010 @ 21:57:55

    સુંદર અભિવ્યક્તિ…દરેક પંક્તિ સરસ રીતે સમજાવી છે.તમારી લાગણીને સલામ.

    જવાબ આપો

    • laaganee
      જુલાઈ 01, 2010 @ 22:42:52

      નિબંધ એ મારી સામાન્ય અભિવ્યક્તિ નથી. તે છતા આપના પ્રોત્સાહનથી લાગે છે કે કૈક સફળ રહી છું લાગણી વ્યક્ત કરવામાં …..
      આભાર ….
      મારા બ્લોગની મુલાકાત અને પ્રોત્સાહન બદલ આભાર…..
      આ લેખ એક સામાયિક ‘શંખનાદ ‘ માટે લખેલ છે. આપણી જાણ માટે ..
      આમ જ અવાર-નવાર મુલાકાત લેતા રહેશો…..

      જવાબ આપો

  5. ભરત સુચક
    જુલાઈ 13, 2010 @ 14:07:37

    લહેરખી આ ભીની હવાની , લાવે સૌના દિલ પર જવાની….

    મોસમ છે સાથે રહેવાની , મન ભરી એને માણવાની ………..

    હા, વર્ષા ….ઋતુઓની રાણી……..વરસતી સરવાણી…….

    અંત તરસની………તૃપ્તિની ઉજાણી ……….

    ખુબજ સરસ મોસમીબેન

    જવાબ આપો

    • laaganee
      જુલાઈ 13, 2010 @ 14:30:07

      નિબંધ એ મારી સામાન્ય અભિવ્યક્તિ નથી. તે છતા આપના પ્રોત્સાહનથી લાગે છે કે કૈક સફળ રહી છું લાગણી વ્યક્ત કરવામાં …..
      ધન્યવાદ ….

      જવાબ આપો

  6. beena
    ઓગસ્ટ 02, 2013 @ 15:05:27

    very nice “Yad avi mane juni yado…..

    જવાબ આપો

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

મૌસમી મકવાણા-'સખી'

%d bloggers like this: